Rantin', Rovin' Robin of Robert Burns

Rantin', Rovin' Robin

1785

There was a lad was born in Kyle,
But whatna day o' whatna style,
I doubt it's hardly worth the while
To be sae nice wi' Robin.

Chor. - Robin was a rovin' boy,
Rantin', rovin', rantin', rovin',
Robin was a rovin' boy,
Rantin', rovin', Robin!

Our monarch's hindmost year but ane
Was five-and-twenty days begun^2,
'Twas then a blast o' Janwar' win'
Blew hansel in on Robin.
Robin was, &c.

The gossip keekit in his loof,
Quo' scho, "Wha lives will see the proof,
This waly boy will be nae coof:
I think we'll ca' him Robin."
Robin was, &c.

"He'll hae misfortunes great an' sma',
But aye a heart aboon them a',
He'll be a credit till us a'-
We'll a' be proud o' Robin."
Robin was, &c.

"But sure as three times three mak nine,
I see by ilka score and line,
This chap will dearly like our kin',
So leeze me on thee! Robin."
Robin was, &c.

"Guid faith," quo', scho, "I doubt you gar
The bonie lasses lie aspar;
But twenty fauts ye may hae waur
So blessins on thee! Robin."
Robin was, &c.

Chrichton Castle

mandag 2. februar 2009

Mitt hjerte altid banker....Chrichton Castle

Ingen kommentarer:

Legg inn en kommentar

Laird of Bandrum

Roy in Scotland

Visit Chrichton Castle

A place to rest "RIP"

Følgere

Bloggarkiv

Om meg

Rantin', Rovin' Robin of Robert Burns

Rantin', Rovin' Robin

Scotland in our hearts